ព្រឹកថ្ងៃទី១៨ ខែតុលា ឆ្នាំ២០២៤លោក ម៉ននី បណ្ឌិត អភិបាលក្រុងព្រៃវែង បានអញ្ជើញចូលរួមផ្តល់នូវថវិកា ភេសជ្ជៈចំនួន ១០កេស និងទឹកសុទ្ធ២០កេស ដល់ក្រុមការងារបរិស្ថាន និងបុគ្គលិកអនាម័យបរិស្ថានក្រុង ចំនួន៣០នាក់ ដើម្បីជាការលើកទឹកចិត្ត និងការខិតខំប្រឹងប្រែងបំពេញការងារ សម្អាតបរិស្ថានក្នុងកំឡុងពេលព្រឹត្តិការណ៍ប្រណាំងទូក ង ខេត្តព្រៃវែង រយៈពេល០២ថ្ងៃ បានយ៉ាងសកម្ម នៅរដ្ឋបាលក្រុងព្រៃវែង។
ឆ្លៀតក្នុងឱកាសនេះផងដែរ ក្នុងនាមរដ្ឋបាលក្រុងព្រៃវែង សូមអំពាវនាវដល់បងប្អូនប្រជាពលរដ្ឋទាំងអស់សូមកុំបោះចោលសំរាមនៅតាមទីសាធារណៈ និងងាកមកចូលរួមថែរក្សាបរិស្ថាន វេចខ្ចប់ទុកដាក់សំរាមឱ្យបានត្រឹមត្រូវតាមគេហដ្ឋាន និងតាមទីសាធារណៈ ដើម្បីឱ្យក្រុងព្រៃវែងមានសោភ័ណ្ឌភាពស្រស់ស្អាត ។
0 Comments:
Post a Comment