ឧត្តមសេនីយ៍ឯក ហែម សុវត្ថិ ដឹកនាំកិច្ចប្រជុំត្រួតពិនិត្យការងារប្រឆាំងបទល្មើសល្បែងពាណិជ្ជកម្ម សម្រាប់ខែឧសភា និងលើកទិសដៅការងារខែមិថុនា ឆ្នាំ២០២៤ ~ គេហទំព័រ សួមសេនានាគ ធីវី ឣនទ្បាញ -->
សូមស្វាគមន៍ គេហទំព័រ សួមសេនានាគធីវីអនឡាញ មានទួលផ្សាយពាណិជ្ជកម្មគ្រប់ប្រភេទ / ទីស្នាក់ការកណ្តាល: / ភូមពោធិខ្វិត ឃំុព្រះបាទ ជាន់ជំុ ស្រុកគីរីវង់ ខេត្តតាកែវ / ចាងហ្វាងការផ្សាយ: លោក ឡាច សួម / ទំនាក់ទំនង Tele: 0716070480 .....
សូមស្វាគមន៍ www.soumsenaneaktvonline.com /មានទទួល ផ្សាយពាណិជ្ជកម្មគ្រប់ប្រភេទ / ទីស្នាក់ការកណ្តាល: / ភូមពោធិខ្វិត ឃំុព្រះបាទ ជាន់ជំុ ស្រុកគីរីវង់ ខេត្តតាកែវ / ចាងហ្វាងការផ្សាយ: លោក ឡាច សួម / ទំនាក់ទំនង Tele: 0716070480 .....

ព័ត៌មានប្រចាំថ្ងៃ

ឧត្តមសេនីយ៍ឯក ហែម សុវត្ថិ ដឹកនាំកិច្ចប្រជុំត្រួតពិនិត្យការងារប្រឆាំងបទល្មើសល្បែងពាណិជ្ជកម្ម សម្រាប់ខែឧសភា និងលើកទិសដៅការងារខែមិថុនា ឆ្នាំ២០២៤

ចំនួនអ្នកទស្សនា: 0 Views

(ភ្នំពេញ)៖ ឧត្តមសេនីយ៍ឯក ហែម សុវត្ថិ អគ្គស្នងការរងនគរបាលជាតិ តំណាងនាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជាអធិបតីដឹកនាំកិច្ចប្រជុំត្រួតពិនិត្យលទ្ធផលការងារប្រឆាំងបទល្មើសល្បែងពាណិជ្ជកម្មសម្រាប់ខែឧសភា និងលើកទិសដៅការងារខែមិថុនា ព្រមទាំងផ្សព្វផ្សាយប្រកាសស្តីពីបទវិន័យនគរបាលជាតិកម្ពុជា។

ពិធីនេះមានការអញ្ជើញចូលរួមពីប្រធាននាយកដ្ឋាន អនុប្រធាននាយកដ្ឋាន នាយការិយាល័យ និងប្រធានស្នាក់ការប្រចាំតំបន់ទាំងអស់ របស់នាយកដ្ឋានប្រឆាំងបទល្មើសល្បែងពាណិជ្ជកម្ម ព្រមទាំងលោកអនុប្រធាននាយកដ្ឋាន ប្រធានលេខាធិការដ្ឋាន នៃនាយកដ្ឋានកណ្តាលសន្តិសុខ នាថ្ងៃទី៣០ ខែឧសភា ឆ្នាំ២០២៤ ម្សិលមិញ។

បន្ទាប់ពីបានស្តាប់នូវរបាយការណ៍បូកសរុបលទ្ធផលការងាររបស់ នាយកដ្ឋានប្រឆាំងបទល្មើសល្បែងពាណិជ្ជកម្មដែលអានដោយឧត្តមសេនីយ៍ឯក សៀង សេន រួចមកឧត្តមសេនីយ៍ឯក ហែម សុវត្ថិ បានឯកភាពទាំងស្រុងនូវរបាយការណ៍ និងវាយតម្លៃខ្ពស់ចំពោះស្នាដៃល្អនាពេលកន្លងមករបស់នាយកដ្ឋាន។

ដើម្បីប្រសិទ្ធភាពការងារបន្ថែមទៀត ឧត្តមសេនីយ៍ឯក ហែម សុវត្ថិ បានមានប្រសាសន៍ផ្ដល់មតិដឹកនាំមួយចំនួនដូចខាងក្រោម៖

ទី១៖ ផ្សព្វផ្សាយប្រកាសស្តីពី បទវិន័យនគរបាលជាតិកម្ពុជាដល់ថ្នាក់ដឹកនាំ និងមន្រ្តីចំណុះនាយកដ្ឋានក្នុងទិសដៅពង្រឹងវិន័យ និងបង្កើនប្រសិទ្ធភាពការងារ។

ទី២៖ ពង្រឹងវិន័យ វត្តមានរបស់មន្រ្តី និងការងារតាមការិយាល័យជំនាញតាមរយះការបែងចែកភារកិច្ចដល់មន្រ្តីគ្រប់រូប ដោយបើកទូលាយការចែករំលែកចំណេះដឹង និងការចុះអនុវត្តការងារផ្ទាល់។ រៀបចំឱ្យមានវគ្គបណ្តុះបណ្តាលផ្ទៃក្នុង អ្នកមានចំណេះដឹងច្រើន បង្រៀនអ្នកមានចំណេះដឹងតិច។

ទី៣៖ ត្រៀមរៀបចំសមាសភាពមន្រ្តីសម្រាប់ចូលរួមវគ្គបណ្តុះបណ្តាលស្តីពី ការប្រឆាំងបទល្មើសល្បែងពាណិជ្ជកម្ម។

ទួី៤៖ បន្តតាមដាន និងកំណត់មុខសញ្ញា នូវគោលដៅដែលលួចបើកដំណើរការល្បែងផ្សងសំណាង និងល្បែង Online ខុសច្បាប់គ្រប់ប្រភេទ កសាងផែនការសម្រាប់ចុះបង្ក្រាប។

ទី៥៖ ស្នើសុំគោលការណ៍អនុញ្ញាតពីថ្នាក់ដឹកនាំ មុនពេលចុះប្រតិបត្តិការបង្ក្រាបតាមគោលដៅ និងធ្វើរបាយការណ៍លម្អិតដាក់ជូនមកថ្នាក់ដឹកនាំ។

និងទី៦៖ បន្តពង្រឹងសាមគ្គីភាពផ្ទៃក្នុងឱ្យរឹងមាំ អត់ធ្មត់ សម្របសម្រួលដោះស្រាយនូវរាល់បញ្ហាដែលកើតមានឡើងក្នុងអង្គភាព៕

Share This

About www.soumsenaneaktvonline.com

0 Comments:

Post a Comment