គ.ជ.ប.បង្ហាញលទ្ធផលបោះឆ្នោតបណ្តោះអាសន្ន នៃការបោះឆ្នោតនីតិកាលទី៧ថា គណបក្សប្រជាជន១២០អាសនៈ និងគណបក្សហ៊្វុនស៊ិនប៉ិច ៥អាសនៈ

 គ.ជ.ប.បង្ហាញលទ្ធផលបោះឆ្នោតបណ្តោះអាសន្ន នៃការបោះឆ្នោតនីតិកាលទី៧ថា គណបក្សប្រជាជន១២០អាសនៈ និងគណបក្សហ៊្វុនស៊ិនប៉ិច ៥អាសនៈ

ភ្នំពេញ ថ្ងៃទី០១ ខែសីហា ឆ្នាំ២០២៣លទ្ធផលបណ្តោះអាសន្នសម្រាប់ការបោះឆ្នោតជ្រើសតាំងអ្នកតំណាងរាស្ត្រនីតិកាលទី៧ នៃរដ្ឋសភា ត្រូវបានគណៈកម្មាធិការជាតិរៀបចំការបោះឆ្នោត (គ.ជ.ប.)បង្ហាញថា មានតែគណបក្សនយោបាយចំនួន២ប៉ុណ្ណោះ ដែលទទួលបានអាសនៈនៅក្នុងរដ្ឋសភា គឺគណបក្សប្រជាជនកម្ពុជាទទួលបាន ១២០អាសនៈ  និងគណបក្សហ៊្វុនស៊ិនប៉ិចទទួលបាន ៥អាសនៈក្នុងចំណោមអាសនៈទាំងអស់១២៥អាសនៈ នៅក្នុងសភា។

យោងតាមតារាងលទ្ធផលបណ្តោះអាសន្ន នៃការបោះឆ្នោតជ្រើសតាំងតំណាងរាស្ត្រនីតិកាលទី៧ កាលពីថ្ងៃទី២៣ ខែកក្កដា ឆ្នាំ២០២៣ របស់គណៈកម្មាធិការជាតិរៀបចំការបោះឆ្នោត ចេញផ្សាយជាផ្លូវការនៅថ្ងៃអង្គារ ១៥កើត ខែទុតិយាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០១ ខែសីហា ឆ្នាំ២០២៣នេះ បានដឹងឱ្យថា គណបក្សប្រជាជនកម្ពុជា ទទួលបានសំឡេងឆ្នោតគាំទ្រចំនួន ៦ ៣៩៨ ៣១១សំឡេង និងគណបក្សហ៊្វុនស៊ិនប៉ិច ទទួលបានសំឡេងគាំទ្រចំនួន ៧១៦ ៤៩០សំឡេង។

គ.ជ.ប.បានលើកឡើងថា យោងតាមការគណនាក្រៅផ្លូវការ គណបក្សប្រជាជនកម្ពុជាទទួលបានអាសនៈចំនួន ១២០ និងគណបក្សហ៊្វុនស៊ិនប៉ិច ទទួលបានអាសនៈចំនួន ៥ (រាជធានីភ្នំពេញ ១, ខេត្តកណ្តាល ១, ខេត្តកំពង់ធំ ១, ខេត្តព្រៃវែង ១, និងខេត្តកំពង់ចាម ១ ។

តាមលទ្ធផលបណ្តោះអាសន្នរបស់គ.ជ.ប.បានឱ្យដឹងថា ក្រៅពីគណបក្សនយោបាយទាំងពីរខាងលើ មានគណបក្សនយោបាយផ្សេងទៀត ក៏បានទទួលសំឡេងគាំទ្រពីម្ចាស់ឆ្នោតដែរ ដូចជា៖ គណបក្សខ្មែររួបរួមជាតិ ទទួលបាន ១៣៤ ២៨៥សំឡេង, គណបក្សធម្មាធិបតេយ្យ ទទួលបាន៨៤ ០៣០សំឡេង, គណបក្សយុវជនកម្ពុជា ទទួលលបាន ៩៧ ៤១២សំឡេង, គណបក្សសំបុកឃ្មុំសង្គមប្រជាធិបតេយ្យ ទទួលបាន ២០ ២១០សំឡេង, គណបក្សខ្មែរតែមួយ ទទួលបាន ៣៦ ៥២៦សំឡេង, គណបក្សសញ្ជាតិកម្ពុជា ទទួលបាន ២៣ ១៩៧សំឡេង, គណបក្សកម្លាំងប្រជាធិបតេយ្យ ទទួលបាន ១៣ ៧០៤សំឡេង, គណបក្សកសិករ ទទួលបាន ១២ ៧៨៦សំឡេង, គណបក្សស្ត្រីដើម្បីស្ត្រី ទទួលបាន ២២ ៨៤៣សំឡេង,

 គណបក្សខ្មែរឈប់ក្រ ទទួលបាន ៤០ ០៩៦សំឡេង, គណបក្សប្រជាធិបតេយ្យមូលដ្ឋាន ទទួលបាន ៣៥ ៤១៦សំឡេង, គណបក្សបំណងពលរដ្ឋ ទទួលបាន ១៣ ៨៣១សំឡេង,គណបក្សអភិវឌ្ឍន៍សេដ្ឋកិច្ចទទួល បាន២៦.០៩៣សំឡេងគណបក្សឯកភាពជាតិខ្មែរទទួលបាន ២៥.២៦១ សំឡេងគណបក្សអភិរក្ស ទទួលបាន ២០ ៩៦៨សំឡេង, គណបក្សជនជាតិដើមប្រជាធិបតេយ្យកម្ពុជា ទទួលបាន ៥២ ៨១៧សំឡេង ។ ជាមួយគ្នានោះដែរ គ.ជ.ប.បានឱ្យដឹងថា សន្លឹកឆ្នោតបានការសរុប ៧ ៧៧៤ ២៧៦សន្លឹក, សន្លឹកឆ្នោតមិនបានការសរុប ៤៤០ ១៥៤សន្លឹក និងសន្លឹកឆ្នោតនៅក្នុងហិបឆ្នោតចំនួន ៨ ២១៤ ៤៣០សន្លឹក ៕

ដោយអ៊ាង ប៊ុនរិទ្ធ

(សូមអានបន្ត)

ប្រជាពលរដ្ឋរងគ្រោះដោយសារខ្យល់កន្ត្រាក់ចំនួន៧គ្រួសារ ទទួលបានអំណោយមនុស្សធម៌ពីសាខាកាកបាទក្រហមកម្ពុជា ខេត្តព្រះសីហនុ

 ប្រជាពលរដ្ឋរងគ្រោះដោយសារខ្យល់កន្ត្រាក់ចំនួន៧គ្រួសារ ទទួលបានអំណោយមនុស្សធម៌ពីសាខាកាកបាទក្រហមកម្ពុជា ខេត្តព្រះសីហនុ

(ព្រះសីហនុ)៖ លោក គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហុន បានចាត់ឱ្យលោកស្រី ប្រាក់ ច័ន្ទសុខា ហេរញ្ញិកគណៈកម្មាធិការសាខា, លោក គាំ សុខុម នាយកសាខា លោក អុី ធារិន ប្រធានគណៈកម្មាធិការអនុសាខាស្រុកព្រៃនប់ មន្ត្រីសាខា អនុសាខា និងអ្នកស្ម័គ្រចិត្ត នារសៀលថ្ងៃទី៣១ ខែកក្កដា ឆ្នាំ២០២៣ បាននាំយកអំណោយមនុស្សធម៌ចែកជូនដល់ប្រជាពលរដ្ឋរងគ្រោះចំនួន ៧គ្រួសារ ដោយសារខ្យល់កន្ត្រាក់ ក្នុងនោះមានផ្ទះចំនួន ១ខ្នងដួលរលំរាបដល់ដី ៣ខ្នងផ្ទះទៀតរបើកដំបូលស្ទើទាំងស្រុង និង៣ខ្នងផ្ទះទៀតទទួលរងការប៉ះពាលតិចតួច ស្ថិតនៅក្នុងឃុំអូជ្រៅ ស្រុកព្រៃនប់។

ក្នុងឱកាសនោះដែរ លោកស្រី ប្រាក់ ច័ន្ទសុខា បានពាំនាំនូវប្រសាសន៍ផ្ដាំផ្ញើសួរសុខទុក្ខនិងក្ដីនឹករលឹក អាណិតអាសូរក្រៃលែងពីសំណាក់ លោក គួច ចំរើន ជាពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្ដាំផ្ញើសាកសួរសុខទុក្ខជូនដល់ប្រជាពលរដ្ឋរងគ្រោះដោយក្តីនឹករលឹក និងតែងតែគិតគូរជានិច្ចអំពីសុខទុក្ខរបស់ប្រជាពលរដ្ឋទាំងអស់ ដោយមិនប្រកាន់ពូជសាសន៍ សាសនា ឬនិន្នាការនយោបាយអ្វីឡើយ។

លោកនាយកសាខាបានធ្វើការផ្សព្វផ្សាយដល់ប្រជាពលរដ្ឋទាំងរងគ្រោះទាំងប្រជាពលរដ្ឋមិនរងគ្រោះ សូមបង្កើននូវការប្រុងប្រយ័ត្ន អំពីជំងឺគ្រុនឈាម គ្រុនចាញ់ និងជំងឺគ្រុនឈិក ព្រោះខែនេះជារដូវស្សា សូមបងប្អូនមើលនៅជុំវិញផ្ទះ ចូលរួមកំចាត់ដង្កូវទឹកមូសខ្លា និងធានាថា មិនមានដង្កូវទឹក នៅក្នុងបរិវេណផ្ទះរបស់បងប្អូន តាមរយៈការកម្ទេចចោល និងលុបបំបាត់ចោល នូវរាល់វត្ថុដក់ទឹក ដែលមិនប្រើប្រាស់ ដូចជា សំបកកង់ឡាន កង់ម៉ូតូ សំបកកំប៉ុង ធុង ក្រឡ ពាង អាង ដែលមិនប្រើប្រាស់ សំបកដូង និងវត្ថុអាចដក់ទឹកដទៃទៀត ដែលនៅជុំវិញបរិវេនផ្ទះរបស់លោកអ្នក ត្រូវលាងសម្អាតសម្ភារៈ ឬវត្ថុប្រើប្រាស់ផ្សេងៗអោយបានស្អាត និងជាចុងក្រោយនេះ សូមប្អូនទាំងអស់កុំភ្លេច ៣ការពារ និង ៣កុំ ដើម្បីចូលរួមទប់ស្កាត់ និងការពារការរីករាលដាលនៃជំងឺកូវីដ១៩ ទាំងអស់គ្នា ហើយសូមចូលរួមនាំគ្នាទៅចាក់វ៉ាក់សាំងដូសជំរុញអោយបានគ្រប់ៗគ្នា។

អំណោយចែកជូនប្រជាពលរដ្ឋចំនួន១គ្រួសារដួលរលំផ្ទះទទួលបាន៖ អង្គរ ២៥គីឡូក្រាម មី១កេស ទឹកត្រី១យួរ ត្រីខ១០កំប៉ុង កន្ទេល១ ទឹកសុទ្ធ ១កេស តង់១ ឃីតមួយកញ្ចប់ (មុង១ ភួយ១ សារុង១ ក្រម៉ា១) និងថវិកាចំនួន ១លានរៀល។

អណោយចែកជូនដល់ប្រជាពលរដ្ឋចំនួន ៣គ្រួសាររបើកដំបូលស្ទើរទាំងស្រុងទទួលបាន៖ អង្ករ២៥គីឡូក្រាម មី១កេស ទឹកត្រី១យួរ ត្រីខ១០កំប៉ុង ទឹកសុទ្ធ ១កេស តង់១ ឃីតមួយកញ្ចប់ (មុង១ ភួយ១ សារុង១ ក្រម៉ា១) និងថវិកាចំនួន ២០មុឺនរៀល ចែកណែកក្នុងនោះមានគ្រួសារមួយទទួលរងការប៉ះពាល់របើកទាំងដំបូលនិងជញ្ជាំងទទួលបានថវិការចំនួន ៣០មុឺនរៀល។

អំណោយចែកជូនប្រជាពលរដ្ឋចំនួន ៣គ្រួសារទទួលរងការប៉ះពាលតិចតួចទទួលបាន៖អង្គរ ២៥គីឡូក្រាម មី១កេស ទឹកត្រី១យួរ ត្រីខ១០កំប៉ុង កន្ទេល១ ទឹកសុទ្ធ ១កេស ឃីតមួយកញ្ចប់ (មុង១ ភួយ១ សារុង១ ក្រម៉ា១) និងថវិកាចំនួន ១០មុឺនរៀល។

លោក អ៉ី ធារិន អភិបាលស្រុកព្រៃនប់ បានឱ្យដឹងថា កាលពីវេលាម៉ោងប្រមាណ២រំលងអធ្រាត្រថ្ងៃទី៣១ ខែកក្កដា ឆ្នាំ២០២៣ មានភ្លៀងលាយឡំជាមួយនឹងខ្យល់កន្ត្រាក់ បានរបើកដំបូលផ្ទះប្រជាពលរដ្ឋ នៅឃុំអូរជ្រៅ ចំនួន៥ខ្នងផ្ទះ ខូចខាតដំបូលផ្ទះទាំងស្រុង១ខ្នង ដើមឈើបាក់សង្កត់ផ្ទះទាំងស្រុង២ខ្នង ក្នុងនោះផ្ទះបានសង្កត់លេីរថយន្ត ២គ្រឿង និងម៉ូតូ១គ្រឿង និងសម្ភារមួយចំនួនទៀត តែមិនបណ្តាយប៉ះពាល់អាយុជីវិត ឬរបួសនោះទេ។

ចំពោះមុខលោកអភិបាលស្រុក រួមជាមួយនឹងកម្លាំងគណៈបញ្ជាការឯកភាពអាជ្ញាធរមូលដ្ឋាន ចុះជួយសម្រួលដោះស្រាយប្រជាពលរដ្ឋ ដែលពួកគាត់បានជួបនូវគ្រោះធម្មជាតិ បណ្ដាលឱ្យខូចខាតផ្ទះសម្បែង និងទ្រព្យសម្បត្តិមួយចំនួន៕

(សូមអានបន្ត)

មេធាវីស្មាក់ចិត្តសម្តេចតេជោហ៑ុន សែន ២៥ខេត្តក្រុងទញទាំងប្រទេស

 

(សូមអានបន្ត)

សភាសម្ព័ន្ធសហជីពជាតិកម្ពុជា ដែលមានសមាជិក៣០០.០០០នាក់ប្រកាសគាំទ្រទាំងស្រុងនូវសារនយោបាយពិសេសរបស់សម្ដេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី

ភ្នំពេញ៖ សភាសម្ព័ន្ធសហជីពជាតិកម្ពុជា(NACC) តំណាង៦៤ សហព័ន្ធសហជីព និងអង្គការ-សមាគម ដែលមានសមាជិកជាង ៣០០.០០០នាក់ ជាគ្រូបង្រៀន និស្សិតបញ្ញាវន្ត កម្មករ និយោជិត កំពុងបម្រើការនៅក្នុងវិស័យកាត់ដេរសម្លៀកបំពាក់ ស្បែកជើង កាបូប វិស័យអប់រំ កសិកម្ម សេវាកម្ម ដឹកជញ្ជូន និងសេដ្ឋកិច្ចក្រៅប្រព័ន្ធសូមប្រកាសគាំទ្រទាំងស្រុងនូវប្រសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ដែលបានថ្លែងសារពិសេសនៅរសៀលថ្ងៃទី២៦ ខែកក្កដា ឆ្នាំ២០២៣ ក្នុងការរៀបចំឲ្យឯកឧត្តមបណ្ឌិត ហ៊ុន ម៉ាណែត ធ្វើជានាយករដ្ឋមន្រ្តី សម្រាប់នីតិកាលទី៧ នៃរដ្ឋសភានិងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់តួនាទីជា នាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភា នាថ្ងៃទី២២ ខែសីហា ឆ្នាំ២០២៣ខាងមុខនេះ។

យើងខ្ញុំទាំងអស់គ្នា សូមប្រកាសគាំទ្រទាំងស្រុងចំពោះការសម្រេចចិត្តដ៏ត្រឹមត្រូវរបស់សម្តេចតេជោ ហ៊ុន សែន និងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់កាន់តួនាទីជានាយករដ្ឋមន្រ្តីថ្មី សម្រាប់អាណត្តិទី៧នេះ ដើម្បីបន្តដឹកនាំប្រទេសកម្ពុជា ពង្រឹងសុខសន្តិភាពកាន់តែរឹងមាំ, ប្រទេសជាតិកាន់តែមានការអភិវឌ្ឍរីកចម្រើន និងមានមោទនភាព ហើយប្រជាជនកាន់តែមានជីវភាពធូរធារ និងរស់នៅប្រកបដោយសេចក្តីសុខសាន្តបន្តទៀត។

ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សា ការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, ឯកឧត្តមបណ្ឌិត ហ៊ុន ម៉ាណែត និងលោកជំទាវព្រមទាំងបុត្រា បុត្រី ចៅប្រុស ចៅស្រី សូមសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

លោក សួង ហួត ប្រធានសភាសម្ព័ន្ធសហជីពជាតិកម្ពុជា

(សូមអានបន្ត)

មន្ត្រីរាជការក្រសួងប្រៃសណីយ៍ និងទូរគមនាគមន៍​ដែលមានអាយុច្រើន​ មានសមត្ថភាពប្រឡងបានពិន្ទុខ្ពស់ពីវគ្គបណ្តុះបណ្តាល «ជំនាញឌីជីថលចាំបាច់»

(ភ្នំពេញ)៖ នៅពេលមានមន្ត្រីរាជការមានអាយុច្រើនពិតមែន តែបានប្រឡងជាប់វគ្គបណ្តុះបណ្តាលជំនាញឌីជីថលចាំបាច់ (Digital Skill Essential) ហើយបានពិន្ទុខ្ពស់ក្នុងចំណោមមន្ត្រីរាជការក្រសួងប្រៃសណីយ៍ និងទូរគមនាគមន៍ចំនួន៦៥០នាក់ ដែលបានចូលរួមវគ្គនេះ។

ចំណុចនេះបានបង្ហាញឱ្យឃើញថាស្របពេលដែលបច្ចេកវិទ្យាឌីជីថលកំពុងតែវិវឌ្ឍរីកចម្រើនយ៉ាងឆាប់រហ័ស ដែលអាចជួយសម្រួលកិច្ចការប្រចាំថ្ងៃយ៉ាងច្រើន មនុស្សគ្រប់វ័យចាំបាច់អភិវឌ្ឍសមត្ថភាពជំនាញឌីជីថលរបស់ខ្លួន ដើម្បីបង្កើនប្រសិទ្ធភាពការងារ ជាពិសេសអាយុមិនមែនជាកត្តារាំងស្ទះការសិក្សារៀនសូត្រជំនាញថ្មីៗឡើយ ហើយអាចទទួលបានលទ្ធផលល្អប្រសើរ បើសិនជាយើងម្នាក់ៗខិតខំប្រឹងប្រែង។

សូមបញ្ជាក់ថា កន្លងមក លោករដ្ឋមន្ត្រី ជា វ៉ាន់ដេត បានបញ្ជាក់ពីជំហរច្បាស់លាស់ក្នុងការយកចិត្តទុកដាក់លើមន្ត្រីដែលមានក្រមសីលធម៌ វិជ្ជាជីវ: សមត្ថភាព ឧស្សាហ៍ព្យាយាម និងឆន្ទៈការងារខ្ពស់ តាមរយៈការរៀបចំយន្តការលើកទឹកចិត្តផ្សេងៗ ការផ្ដល់ការផ្ដល់ប្រាក់ឧបត្ថមបន្ថែមលើកម្រិតចំណេះដឹង និងលទ្ធផលការងារ ជាពិសេសការអភិវឌ្ឍជំនាញឌីជីទាំងក្នុង​ និងក្រៅប្រទេស៕

(សូមអានបន្ត)