សម្តេចមហាបវរធិបតី ហ៊ុន ម៉ាណែត បង្កើតគ្រុប CoolApp សម្រាប់ផ្សព្វផ្សាយពីសកម្មភាពការងារប្រចាំថ្ងៃរបស់រាជរដ្ឋាភិបាល

 សម្តេចមហាបវរធិបតី ហ៊ុន ម៉ាណែត បង្កើតគ្រុប CoolApp សម្រាប់ផ្សព្វផ្សាយពីសកម្មភាពការងារប្រចាំថ្ងៃរបស់រាជរដ្ឋាភិបាល

 

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបង្កើតគ្រុប CoolApp ដែលមានឈ្មោះថា «Samdech Thipadei Hun Manet Prime Minister of Cambodia» ដើម្បីផ្សព្វផ្សាយអំពីសកម្មភាពការងារប្រចាំថ្ងៃ របស់រាជរដ្ឋាភិបាលកម្ពុជា។

ចំនួនអ្នកចូលរួមក្នុងគ្រុប CoolApp របស់សម្តេចនាយករដ្ឋមន្ត្រី កំពុងបន្តកើនឡើងជាលំដាប់ ដើម្បីងាយស្រួលទទួលបានព័ត៌មានថ្មីៗ របស់រាជរដ្ឋាភិបាល ពិសេសរបស់សកម្មភាពសម្តេចបវរធិបតី ហ៊ុន ម៉ាណែត។

សូមបងប្អូនប្រជាពលរដ្ឋចូលរួម Join ក្នុង Group ផ្លូវការរបស់សម្តេចបវរធិបតី នៅលើបណ្តាញទំនាក់ទំនងសង្គម CoolApp ដើម្បីទទួលបានព័ត៌មាន។

សូមជម្រាបថា ឆ្លើយតបនឹងការអំពាវនាវរបស់សម្តេចតេជោ ហ៊ុន​ សែន ប្រធានព្រឹទ្ធសភាកម្ពុជា ដែលស្នើឱ្យរាជរដ្ឋាភិបាលបង្កើតគ្រុប CoolApp របស់រាជរដ្ឋាភិបាល ទាំងស្ថាប័នថ្នាក់ជាតិ ថ្នាក់ក្រោមជាតិ និងកងកម្លាំងប្រដាប់អាវុធគ្រប់ប្រភេទ ព្រមទាំងប្រជាពលរដ្ឋខ្មែរទាំងអស់ ប្រើប្រាស់ CoolApp ជំនួសឲ្យ Telegram នោះ, គេសង្កេតឃើញប្រមុខរាជរដ្ឋាភិបាលកម្ពុជា និងតាមបណ្តាក្រសួងស្ថាប័នទាំងថ្នាក់ជាតិ ថ្នាក់ក្រោមជាតិ បានបង្កើតគ្រុប CoolApp ជាបន្តបន្ទាប់ ដើម្បីធ្វើការទំនាក់ទំនងការងារប្រចាំថ្ងៃជំនួស Telegram។

សម្តេចបញ្ជាក់ថា ការស្នើនេះ មិនមែនជាការបង្ខិតបង្ខំឲ្យប្រើប្រាស់ CoolApp ទេ តែជាការដាស់តឿនសម្រាប់ធានាដល់សន្តិសុខជាតិ និងសន្តិសុខផ្ទាល់ខ្លួន អាស្រ័យដោយ CoolApp ជារបស់ខ្មែរក្នុង​ដែនសុវត្តិភាពរបស់កម្ពុជា និងម្យ៉ាងទៀត CoolApp ក៏ប្រើប្រាស់បាននៅទូទាំងពិភពលោក ដូចប្រព័ន្ធដទៃទៀតដែរ ខុសគ្នាត្រង់ CoolApp មិនអាចឲ្យបរទេសចូលយកទិន្នន័យរបស់រដ្ឋ ឬ ឯកជនបាននោះឡើយ។

សម្តេចតេជោលើកឡើងថា យើងត្រូវការប្រព័ន្ធល្បឿនលឿន និងច្បាស់ទាំងសម្លេង ទាំងរូបភាពដូច CoolApp សព្វថ្ងៃ ព្រមទាំងត្រូវការរក្សាការសម្ងាត់របស់ជាតិក៏ដូចជា បុគ្គលម្នាក់ៗផងដែរ។

សម្តេចបន្ថែមថា បច្ចុប្បន្នអ្នកប្រើប្រាស់ CoolApp បានកើនលឿនរហូតដល់ ៣០ម៉ឺននាក់ និងប្រើប្រាស់ប្រព័ន្ធ Encryption ដូចកម្មវិធីបរទេសដែរ មិនអាចជនណាម្នាក់មើលសាររបស់យើងបានឡើយ សូម្បីតែក្រុមហ៊ុនផ្ទាល់ក៏ដោយ។ កម្ពុជាមាន CoolApp ក៏ជាមោទនភាពរបស់ខ្មែរយើងដែរ ព្រោះសមាជិកអាស៊ានទាំងអស់ មានតែ វៀតណាម និងកម្ពុជា៕

(សូមអានបន្ត)

សម្តេចបវរធិបតី ហ៊ុន ម៉ាណែត ជូនពរប្រជាពលរដ្ឋខ្មែរទាំងអស់ សូមប្រកបដោយសុខសុវត្ថិភាពក្នុងការធ្វើដំណើរ និងទទួលបាននូវសុខភាពល្អបរិបូរណ៍ កម្លាំងមាំមួន អាយុយឺនយូរ និងជោគជ័យគ្រប់ភារកិច្ច ក្នុងឱកាសបុណ្យភ្ជុំបិណ្ឌ

(ភ្នំពេញ)៖ នៅព្រឹកថ្ងៃទី៣០ ខែកញ្ញា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបង្ហោះសារជូនពរដល់បងប្អូនប្រជាពលរដ្ឋខ្មែរទាំងអស់ ក្នុងឱកាសបុណ្យភ្ជុំបិណ្ឌ។

សារជូនពររបស់សម្តេចបវរធិបតី​ មានខ្លឹមសារដូច្នេះថា «ក្នុងឱកាសបុណ្យភ្ជុំបិណ្ឌ សូមជូនពរ លោកតាលោកយាយ អ៊ំប្រុសអ៊ំស្រី ពូមីង បងប្អូន កូនក្មួយ ទាំងអស់ សូមប្រកបដោយសុខសុវត្ថិភាពក្នុងការធ្វើដំណើរទៅកាន់ស្រុកកំណើត និងទទួលបាននូវសុខភាពល្អបរិបូរណ៍ កម្លាំងមាំមួន អាយុយឺនយូរ និងជោគជ័យគ្រប់ភារកិច្ច»។

ថ្ងៃទី៣០ ខែកញ្ញានេះ ត្រូវនឹងថ្ងៃចន្ទ ១៣ រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ គឺជាថ្ងៃកាន់បិណ្ឌ១៣ នៃពិធីបុណ្យភ្ជុំបិណ្ឌ ដែលជាពិធីបុណ្យប្រពៃណីជាតិរបស់ខ្មែរយើង ដែលមានតាំងពីបុរាណកាលមក។

នេះជាពេលវេលាមួយ ដែលបងប្អូនប្រជាពលរដ្ឋពុទ្ធបរិស័ទ មានឱកាសក្នុងការធ្វើបុណ្យទាន សន្សំកុសល និងជួបជុំសាច់ញាតិបងប្អូន នៅតាមទីកន្លែងជិតឆ្ងាយ ជាពិសេសតាមទីវត្តអារាមនានា។

ពិធីកាន់បិណ្ឌនេះ គឺប្រព្រឹត្តទៅចាប់ពីថ្ងៃ១រោច ខែភទ្របទ(១៨ ខែកញ្ញា) ដល់ថ្ងៃ១៤រោច ខែភទ្របទ(១ ខែតុលា) ឆ្នាំ២០២៤។

សូមជូនពរ បងប្អូនប្រជាពលរដ្ឋ រីករាយរាយជួបជុំគ្រួសារ និង ទទួលបានសុខសុវត្ថិភាព ក្នុងការធ្វើដំណើរគ្រប់ទីកន្លែង ក្នុងឱកាសនៃពិធីកាន់បិណ្ឌ និង បុណ្យភ្ជុំបិណ្ឌ ៕

(សូមអានបន្ត)

ឯកឧត្តម ឧត្តមសេនីយ៍ឯក ឆាយ គឹមខឿន អញ្ជើញជាអធិបតីភាពក្នុងពិធី ប្រកាស បិទវគ្គបំប៉នជំនាញតួនាទីភារកិច្ច របស់ប៉ុស្តិ៍នគរបាលរដ្ឋបាល ការអនុវត្តគោលនយោបាយភូមិ-ឃុំ សង្កាត់មានសុវត្ថិភាព និងការងារនគរបាល និងសហគមន៍

ឯកឧត្តម ឧត្តមសេនីយ៍ឯក ឆាយ គឹមខឿន  អញ្ជើញជាអធិបតីភាពក្នុងពិធី ប្រកាស បិទវគ្គបំប៉នជំនាញតួនាទីភារកិច្ច របស់ប៉ុស្តិ៍នគរបាលរដ្ឋបាល ការអនុវត្តគោលនយោបាយភូមិ-ឃុំ សង្កាត់មានសុវត្ថិភាព និងការងារនគរបាល និងសហគមន៍ 

កំពង់ធំ៖ នៅរសៀលថ្ងៃទី ២៧ ខែ កញ្ញា ឆ្នាំ២០២៤ ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានអញ្ជើញជាអធិបតីភាព ក្នុងពិធី ប្រកាសបិទវគ្គបំប៉នជំនាញរយៈពេលខ្លី ស្ដីពីតួនាទីភារកិច្ច របស់ប៉ុស្តិ៍នគរបាលរដ្ឋបាល ការអនុវត្តគោលនយោបាយភូមិ-ឃុំ សង្កាត់មានសុវត្ថិភាព និងការងារនគរបាល និងសហគមន៍នៅសាលប្រជុំស្នងការដ្ឋាននគរបាលខេត្ត ។

ជាកិច្ចចាប់ផ្ដើម លោកឧត្តមសេនីយ៍ត្រី ហេង សុផល ស្នងការនគរបាលខេត្ត បានថ្លែងអំណរអរគុណយ៉ាងជ្រាលជ្រៅបំផុត ចំពោះឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ   និងប្រតិភូអមដំណើរ ដែលចំណាយពេល ដ៏មានតម្លៃ អញ្ជើញជាអធិបតីភាព ក្នុងពិធីប្រកាសបិទវគ្គបំប៉នជំនាញ តួនាទីភារកិច្ច របស់ប៉ុស្តិ៍នគរបាលរដ្ឋបាល ការអនុវត្តគោលនយោបាយភូមិ-ឃុំ សង្កាត់មានសុវត្ថិភាព និងការងារនគរបាល និងសហគមន៍ នាឱកាសនេះ ។

លោកឧត្តមសេនីយ៍ ស្នងការ បន្តរាយការណ៍ បញ្ជាក់ថា វគ្គបណ្ដុះបណ្ដាលរយៈពេល ១២ ថ្ងៃ ចាប់ផ្ដើមនៅថ្ងៃទី ១៦ ដល់ថ្ងៃទី ២៧ ខែ កញ្ញា ឆ្នាំ២០២៤ គ្រូឧទ្ទេសនាមមានចំនួន ១០ រូប ដោយលើកយកមេរៀនចំនួន ១០,.សិក្ខាកាម ១៥៣ នាក់ ស្រី ៣៨ នាក់ មកពីការិយាល័យជំនាញ និងអធិការដ្ឋាននគរបាលក្រុងស្រុកទាំង ០៩ និង៨១ប៉ុស្តិ៍នគរបាលរដ្ឋបាលឃុំ-សង្កាត់ ។

ឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ បានពាំនាំប្រសាសន៍ ផ្ដាំផ្ញើសាកសួរសុខទុក្ខ របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ជូនចំពោះកងកម្លាំងនគរបាលជាតិ ដែលកំពុងបំពេញតួនាទី ភារកិច្ច បេសកកម្ម ការពារ រក្សាសន្តិសុខ សុវត្ថិភាព សណ្តាប់ធ្នាប់ ជូនប្រជាពលរដ្ឋ តាមមូលដ្ឋានឃុំ-សង្កាត់ ។

បន្ថែមប្រសាសន៍ សំណេះសំណាលឯកឧត្តម ឧត្តមសេនីយ៍ឯក ឆាយ គឹមខឿន អគ្គស្នងការរង បានកោតសរសើរ អបអរសាទរ ចំពោះការខិតខំប្រឹងប្រែងរបស់សិក្ខាកាម រហូតទទួលបានជ័យលាភី នៃការបញ្ចប់វគ្គបណ្តុះបណ្តាលទាំងចំនួន ១៥៣នាក់ ជាលទ្ធផលបាននិទ្ទេស ល្អប្រសើរចំនួន៤៧នាក់ = ៣៤.២៥%,ល្អបង្គួរចំនួន ៨៤ = ៣៨.៣៦%  មធ្យម២២ នក់=២៧.៤០%លទ្ធផលនេះបង្ហាញឲ្យឃើញថាសិក្ខាកាមទាំងអស់មានការយល់ដឹងទាំងទទួលបានចំណេះដឹងបទពិសោធន៍ដែលជាមូលដ្ឋានគ្រឹះដ៏រឹងមាំសម្រាប់បម្រើឲ្យការងារជំនាញប្រចាំថ្ងៃរបស់ខ្លួនប្រកបដោយ វីជ្ជាជីវៈជាពិសេសការចូលរួមអនុវត្តគោលនយោបាយភូមិ-ឃុំ-សង្កាត់-មានសុវត្ថិភាពសំដៅរក្សានូវ សន្តិសុខ សណ្ដាប់ធ្នាប់សាធារណៈនិងសុវត្ថិភាពសង្គម និងថ្លែងអំណរគុណចំពោះគ្រូឧទ្ទេសនាម ក្រុមការងារ និងសិក្ខាកាម បង្ករបរិយាកាស ដល់បណ្តុះបណ្តាលដំណើរការទៅដោយមានភាពរលូន ស្របតាមការរំពឹង របស់ថ្នាក់ដឹកនាំ ក្រសួងមហាផ្ទៃ អគ្គស្នងការដ្ឋាននគរបាលជាតិ ។

ឯកឧត្តម បានលើកឡើងអំពីស្មាដៃ គុណបំណាច់របស់កម្លាំងនគរបាលជាតិ ចំពោះបេសកកម្ម ដើម្បីបុព្វហេតុជាតិមាតុភូមិ សម្រាប់ខេត្តកំពង់ធំ ទាំងមូល ក៏ដូចជាទូទាំងប្រទេសផងដែរ និងផ្ដាំផ្ញើ ដល់អធិការដ្ឋាននគរបាលក្រុង-ស្រុក ១.ត្រូវផ្លាស់ប្ដូរវេនប្រចាំការ ២៤ ម៉ោងលើ ២៤ ម៉ោង តាមគោលដៅសំខាន់ៗ រង់ចាំអនុវត្តច្បាប់ គោលការណ៍ បទបញ្ជារបស់ថ្នាក់ដឹកនាំ ប្រគល់ជូន សម្រាប់កិច្ចប្រតិបត្តិការ រក្សា ការពារ  សន្តិសុខ សណ្តាប់ធ្នាប់សាធារណៈ របៀបរៀបរយ ជូនសង្គមជាតិ និងប្រជាពលរដ្ឋ បានទាន់ពេលវេលា និងមានប្រសិទ្ធភាពខ្ពស់,២.ពង្រឹងការគ្រប់គ្រង ដឹកនាំបញ្ជា ដល់ប៉ុស្តិ៍

នគរបាលរដ្ឋបាល, ៣.បញ្ចុះកម្លាំងពីអធិការដ្ឋាននគរបាលស្រុក-ក្រុងជួយប៉ុស្តិ៍នគរបាលរដ្ឋបាល, ៤.ធ្វើការលើកទឹកចិត្តចំពោះកម្លាំងប្រជាការពារ ។

ឯកឧត្តម បានផ្តាំផ្ញើ ដល់កម្លាំងប៉ុស្តិ៍នគរបាលរដ្ឋបាល ត្រូវផ្លាស់ប្ដូរ ឥរិយាបថ ពីអ្នកគ្រប់គ្រងដឹកនាំ ទៅជាអ្នកបំរើសេវាសាធារណៈ ជូនប្រជាពលរដ្ឋ គោរពអនុវត្ត វិន័យ សីលធម៌ សំដីសំដៅ សុភាពរាបសារទន់ភ្លន់ រួសរាយរាក់ទាក់ម៉ឺងម៉ាត់ ម៉ត់ចត់ គ្រប់ពេលវេលា ដែលបំពេញភារកិច្ច ប្រកបដោយមានទំនួលខុសត្រូវខ្ពស់ ៕

              

(សូមអានបន្ត)

រដ្ឋបាលរាជធានីភ្នំពេញ៖ សេចក្តីណែនាំ ស្តីពីការរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤ នៅរាជធានីភ្នំពេញ

 រដ្ឋបាលរាជធានីភ្នំពេញ៖ សេចក្តីណែនាំ ស្តីពីការរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៤ នៅរាជធានីភ្នំពេញ

(សូមអានបន្ត)

ព្រះពុទ្ធជ័យ​មុនី​បណ្ឌិត​ ឃឹម​ សន​ ព្រះមេគណរាជធានីភ្នំពេញ​ និង​ជាព្រះគ្រូសូធ្យស្តាំ​វត្តបទុមវតីរាជវរារាម​ វេនបិណ្ឌទី៨មានសទ្ធាជ្រះថ្លា ចែកទ័យទាន ដល់ ឩបាសកឩបាសិកា ពុទ្ធបរិស័ទ ប្រជាពលរដ្ធ និង កុមារ សម្រាកព្យាបាល នៅពេទ្យ កន្ធាគបុប្ផាទី២

ភ្នំពេញ​ : នាព្រឹក ថ្ងៃ៨រោច ខែភទ្របទ ឆ្នាំរោង​ ឆស័ក ព.ស២៥៦៨​ ត្រូវនឹងថ្ងៃ ពុធទី២៥ ខែកញ្ញា ឆ្នាំ២០២៤ ។

សម្តេចព្រះពុទ្ធជ័យ​មុនី​បណ្ឌិត​ ឃឹម​ សន​ ព្រះមេគណរាជធានីភ្នំពេញ​ និង​ជាព្រះគ្រូសូធ្យស្តាំ​វត្តបទុមវតីរាជវរារាម​  នៅមន្ទីរពេទ្យគន្ធបុប្ផាទី២ វេនបិណ្ឌទី៨ វត្តបទុមវតី​ សង្កាត់ចតុមុខ ខណ្ឌដូនពេញ​ រាជធានីភ្នំពេញ។

មានសទ្ធាជ្រះថ្លា ចែកទ័យទាន ដល់ ឩបាសកឩបាសិកា ពុទ្ធបរិស័ទ  ប្រជាពលរដ្ធ និង កុមារ សម្រាកព្យាបាល នៅពេទ្យ កន្ធាគបុប្ផាទី២

បានចាត់ព្រះសង្ឃ​យក​បបរ​ ( យាគូ ) ចែកជូនដល់​ បុគ្គល​ ប្រជាពលរដ្ឋប្រុសស្រី ដែលយកកូន (កុមារ)​ មកសម្រាកព្យាបាលជំងឺនៅមន្ទីរពេទ្យគន្ធបុប្ផាទី២ ក្នុងវេនបិណ្ឌទី៨ ដែលជាសទ្ធាជ្រះថ្លា ឯកឧត្តម​បណ្ឌិត​ ឯកឧត្តម​ លោកជំទាវ​ លោកអ្នកឧកញ៉ា​ អ្នកឧកញ៉ា​ ឧកញ៉ា​ ព្រមទាំង​ កូនចៅនៃគណ:កម្មការទ្រទ្រង់បណ្ណាល័យអ្នកឧកញ៉ាមហាភក្តីសប្បុរិសភោគាធិបតី​ ហ៊ុន​ នាង​ ទាំងអស់​ ព្រមទាំងញាតិព្រះធម៌។

សូម​ ជូនពរកូនក្មួយ ដែលកំពុងសម្រាកព្យាបាល​ សូមឆាប់បានធូសះស្បេីយពីរោគាទាំងឡាយទាំងពួង​ សមប្រកបដោយពុទ្ធពរ៤ ប្រការគឺអាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ។

(សូមអានបន្ត)